मेरी छोरी

छोरीलाई बुद्धि छैन भन्दै गाली गर्छु
तर मलाई प्यास लाग्यो कि 
छारीले पानी ल्याइदिन्छे

कस्तो लाटी  होला भन्छु
म दुखि भयो कि मलाई हसाउँन खोज्छे
मलाई थकाई लाग्दा 
विस्तारै मेरो खुट्टा सम्सुम्याइ दिन्छे

दिमाग छैन सबै विर्गादिन्छे भन्छु
स्कूलमा सिकेको गीत कण्ठ छ
टिभीमा देखे जस्तै नाचेर देखाउछे

म खाना पकाउँदा
छोरी पनि पकाउन खोज्छे
म लुगा धुदा
छोरी पनि लुगा धुन खोज्छे

त्यसैले छोरी मलाई तिमि मनपर्छ
मेरी छोरी नै सुन्दरी
मेरी छोरी नै प्यारी
मलाई सधै यस्तै जिस्की राख्ने छोरी
मलाई सधै माया गरिरहने छोरी
मेरी छोरी........